Gen -Z विद्रोहपछि सुहाङ नेम्वाङले मागे माफी

असनोज ३, २०८२ — इल्लाम / काठमाडौं।
नेकपा (एमाले) का युवा नेता सुहाङ नेम्वाङले जेन–जी विद्रोहपछि देखा परेको आवेग, उत्तेजना र सम्भावित प्रतिशोध बन्द गर्न सबै पक्षलाई संयम अपनाउन आग्रह गरेका छन्।

नेम्वाङले जारी गरेको प्रेस नोटमा उनले भदौ २३–२४ का घटनाप्रति दुःख व्यक्त गर्दै आन्दोलनमा भाग लिन पुगेका युवाहरुले उठाएको माग र भावनालाई सम्मानपूर्वक सुन्दै संवैधानिक र लोकतान्त्रिक विधिबाटै समाधान खोज्नुपर्ने जोड दिइएको छ। उनले नेताहरुले नेतृत्वमा देखिएको कमजोरी स्वीकार्दै आफ्नो तर्फबाट माफी मागेका छन् र आत्मालोचना आवश्यक भएको बताएका छन्।

नेम्वाङले २४ गते भएको तोडफोड, आगजनी र लुटपाटप्रति कडा निन्दा गरेकाले दोषीहरुलाई कानुनी कारबाही गर्नुपर्ने पनि भनेका छन्। साथै उनले यस्तो घटनामा ‘घुसपैठकारी’हरुको सक्रियता रहेको आशंका व्यक्त गर्दै त्यसको स्रोत पहिचान गर्न युवाहरुले भूमिका खेल्नुपर्ने बताए। नेम्वाङले वर्तमान अन्तरिम सरकारलाई पनि आग्रह गर्दै अघिल्ला गल्ती नदोहोर्याउने र समयमै निर्वाचनमार्फत मुलुकलाई सही ट्रयाकमा ल्याउने विश्वास व्यक्त गरे।

उनले अन्त्यमा सबै अग्रज र जेन–जी पुस्तालाई आवेग र प्रतिशोध त्यागेर साझा भबिष्य निर्माणतर्फ अघि बढ्न अपिल गरेका छन्। स्रोत: Raibarpress (प्रेस नोट)।