वाईसीएल थाहानगरद्वारा एकल महिला आमाको घर पुनःनिर्माणका लागि श्रमदान कार्यक्रम सन्चालन गर्ने

थाहा नगरपालिका–४, शिखरकोटकी एकल महिला आमा चिनिमैयाँ नेपालीको जीर्ण र बस्न अयोग्य अवस्था रहेको घर पुनःनिर्माणका लागि वाईसीएल नेपाल, थाहा नगर कमिटीले श्रमदान कार्यक्रम आयोजना गर्ने भएको छ।

विगतदेखि नै जीर्ण अवस्थामा रहेको पुरानो  कटेज घरमा बस्दै आएकी चिनिमैयाँ आमाको घरको छानोबाट पानी चुहिने अत्यन्त कठिन र कष्टकर रहेको अवस्था रहेको साथै उहाँको आर्थिक अवस्था कमजोर भएको स्वयम पुनःनिर्माण गर्न नसक्ने अबस्था रहेकोले वाईसीएलले उक्त सहयोग गर्ने निर्णय गरेको हो।

“श्रम तथा उत्पादनमा वाईसीएल अभियान” अन्तर्गत सञ्चालन हुने घर पुनःनिर्माणको प्रारम्भिक चरणमा हिजो मिति २०८२ साउन १० गते, बिहान १० बजे देखि श्रमदान कार्यक्रम सञ्चालन गरिएको हो।

वाईसीएल थाहा नगर कमिटी अध्यक्ष केशब सुनारले यो मानबिय कार्यमा आर्थिक,भौतिक, नैतिक,सबै प्रकारको सहयोग गरि उक्त कार्यलाई सफल पार्न सबै पार्टी पंक्ति वाईसियल पदाधिकारी कमरेडहरूलाइ सक्रिय सहभागिता जनाउन समेत हार्दिक आग्रह गर्नुभएको छ।