प्रेस सेन्टर नेतृत्वको टिमलाइ प्रचण्ड बाट बधाई तथा शुभकामना

प्रेस सेन्टर नेपालको नव निर्वाचित केन्द्रीय पदाधिकारीलाई नेकपा माओवादी केन्द्रका श्रद्वेय अध्यक्ष पुष्पकमल दहाल प्रचण्डले बधाई तथा शुभकामना सहित निर्देशन दिनु भएको छ ।

अध्यक्ष प्रचण्डले प्रेस सेन्टरको अधिकाँश नेतृत्व सर्वसम्मत र नमिलेका पदहरूमा उच्च लोकतान्त्रिक अभ्यास सहित सहमतिका साथ मतदानको प्रक्रियावाट चयन गरेर सिँगो पार्टी र अन्य जवस मोर्चालाई समेत नयाँ सन्देश दिएको बताउनुभयो ।

अध्यक्ष प्रचण्डले विवादरहित ढंगले नेतृत्व चयन गरि महाधिवेशन भव्यरूपमा सम्पन्न गरेकोमा प्रचार विभाग ईन्चार्ज अग्निप्रसाद सापकोटा, सचिव गोविन्द आचार्य र प्रेस सेन्टरको निवर्तमान नेतृत्वलाई बधाई समेत दिनुभयो ।

प्रेस सेन्टर नेपाल देखिने र महशुस हुने गरी चलायमान र संगठित भएको भन्दै अध्यक्ष प्रचण्डले निवर्तमान अध्यक्ष विष्णुप्रसाद सापकोटा ‘जुगल’ सहितको कार्य समितिलाई धन्यवाद पनि दिनुभयो ।

अध्यक्ष प्रचण्डवाट भएको निर्देशन वमोजिम प्रेस सेन्टरको भूमिकालाई शसक्त र प्रभावकारी बनाउन प्रेस सेन्टर सदै अग्र पंक्ति मा रहेर काम गर्ने सेन्टरका नब निर्बाचित अध्यक्ष कमल गिरिले बताउनु भयो।