थाहामा कार्तिक २८ र २९ गते निःशुल्क मुटु रोग सम्बन्धी स्वास्थ्य शिविर सम्पन्न हुँदै

‎

थाहा नगरपालिका, मकवानपुर — “Use Heart For Every Heart : मन लगाऔं सबैको मुटु बचाऔं” नारासहित थाहा नगरपालिका–४ मा निःशुल्क मुटु रोग सम्बन्धी स्वास्थ्य शिविर आयोजना हुने भएको छ।

‎शिविर २०८२ कार्तिक २८ र २९ गते बिहान १० बजेदेखि बेलुकी ४ बजेसम्म पालुङ्ग प्राथमिक स्वास्थ्य केन्द्र, थाहा–४ मा सञ्चालन हुने छ।

‎थाहा नगरपालिका नगर कार्यपालिकाको कार्यालय, इन्द्रायणीचौर मकवानपुरको आयोजनामा हुने यस शिविरमा नेपाल हृदय रोग निवारण प्रतिष्ठान मकवानपुर सहआयोजकको रूपमा रहनेछ।

‎शिविरका विशेषताहरूमा —

‎१. मुटु रोग तथा जनरल फिजिसियन सेवा उपलब्ध गराइने।

‎२. थप निःशुल्क सेवा : ECG, ECHO, USG, PFT तथा सुगर परीक्षण।

‎३. १५ दिनसम्मका लागि निःशुल्क औषधि वितरणको व्यवस्था।

‎४. दन्त उपचार सेवा पनि उपलब्ध गराइनेछ।

‎शिविरमा मुटुरोग विशेषज्ञ प्रा. डा. मनोज श्रेष्ठ (कार्डियोलोजिष्ट) तथा प्रा. डा. सुमन कर्माचार्य (सिनियर जनरल तथा फिजिसियन डाक्टर) ले स्वास्थ्य जाँच गर्ने छ्न।

‎यस कार्यक्रमको समन्वय नेपाल हृदय रोग निवारण प्रतिष्ठान थाहा नगर तथा प्राविधिक सहयोग पालुङ्ग प्राथमिक स्वास्थ्य केन्द्र, थाहा–४ ले प्रदान गर्नेछ।

‎स्वास्थ्य सेवामा पहुँच अभिवृद्धि गर्ने उद्देश्यले आयोजना गरिएको यस शिविरबाट स्थानीय बासिन्दाहरूले निःशुल्क मुटु परीक्षण, उपचार तथा परामर्श सेवा प्राप्त गर्ने अपेक्षा गरिएको छ।

‎