फोल्ड गर्न मिल्ने फोन आउदै

काठमाडौँ । गुगलले आधिकारिक रूपमा आफ्नो पहिलो फोल्ड गर्न मिल्ने फोन, पिक्सेल फोल्ड अनावरण गरेको छ। गुगलले अझै नयाँ पिक्सेल फोल्डको स्पेसिफिकेशन र मूल्य खुलाएको छैन।

गुगलले ट्वीटरमा ुमे द फोल्ड बी विथ युु भन्ने वाक्यांशसहितको भिडियो टिजर पोस्ट गरेको छ। यससँगै गुगलले यो डिभाइस मे १० मा गुगल क्ष्रइ कार्यक्रममा लन्च गरिने पनि बताएको छ । नयाँ भिडियोले गुगल पिक्सेल फोल्ड ट्रिपल क्यामेरा सेटअपको साथ आउनेछ भनेर बताउँछ। यसमा तेस्रो लेन्स पेरिस्कोप लेन्स हो, जुन सामसुङ ग्यालेक्सी एस२३ अल्ट्रामा पनि पाइन्छ। सीएनबीसीको रिपोर्टमा यो फोनको मूल्य ग्यालेक्सी जेड फोल्ड ४ जस्तै हुने दाबी गरिएको छ। यो गुगल फोन १।५५ लाख भारतीय रुपैयाँमा लञ्च हुने अपेक्षा गर्न सकिन्छ ।

भिडियोमा गुगलको पहिलो फोल्डेबल स्मार्टफोनमा ट्याब्लेट जस्तो डिस्प्ले देखिन्छ। फोन बन्द हुँदा प्रयोगकर्ताहरूले प्रयोगको लागि बाहिरी टचस्क्रिन पाउँछन्। रिपोर्टका अनुसार गुगल पिक्सेल फोल्डमा ५।८ इन्चको डिस्प्ले पाउन सकिन्छ, जुन खोल्दा ७।६ इन्चको ट्याब्लेट जस्तै हुन्छ।