महासंघ मकवानपुर अध्यक्षमा प्रेस सेन्टरबाट थापा

मकवानपुर, २४ मंसिर । नेपाल पत्रकार महासंघका मकवानपुरको अध्यक्ष पदमा प्रेस सेन्टर नेपाल मकवानपुरकी अध्यक्ष अञ्जली थापाले उम्मेद्वारी दिने भएकी छिन् ।

आईतबार बसेको प्रेस सेन्टर नेपाल मकवानपुरको बैठकले थापालाई सर्वसमत् अध्यक्ष पदको उम्मेद्वार चयन गरेको केन्द्रीय सदस्य एवम् मकवानपुर जिल्ला ईञ्चार्ज ध्रुवराज ढकालले बताए ।

लामो समयदेखि पत्रकारितामा क्रियाशिल थापा राष्ट्रिय समाचार समिति (रासस)को मकवानपुर संवाददाता, चिनारी सन्देश साप्ताहिक र चिनारी सन्देश डटकमको प्रकाशक/सम्पादक हुनुहुन्छ ।

थापा नेपाल पत्रकार महासंघ मकवानपुरको पहिलो महिला अध्यक्ष हुने दौडमा हुनुहुन्छ । पत्रकारको हक र हितमा क्रियाशिल थापाले आफु सधै पत्रकारको हितमा क्रियाशिल हुने बताईन् ।